Sunday, September 2, 2012

උසස් පෙළෙන් පසු වෙච්ච දෙයක්

             
        යන්තම් උසස් පෙළ කටයුතුත් ඉවර කරලා ..තව පොඩි පොඩි වැඩ ටිකක් තිබ්බා ඒවත් ඉවර කරලා,ඔන්න කාලෙකට පස්සේ අවා බොලොග් එක ලියන්න.මේ බොලොග් එක නම් පටන් ගත්තෙ වෙන නමකින්.එත් මට හිතුන මගෙ අදහස් හිතුවිලි ඒ මතෘකාවට කොටු  වෙලා කියලා.ඉතින් ඔන්න අලුත් මුහුණු වරකින් ලියන්න පටන් ගත්තා,..
        "උසස් පෙළට පසු " .ඇත්තටම මම දැන් කියන්න යන්නේ අනේ අපි උසස් පෙළ කරන්න කලින් කොහොමද හිතුවෙ,දැන් කොහොමද කරන්න වෙලා තියෙන්නෙ කියන එක.අප්පේ කියලා  වැඩක් නැහැ!මීට මාස හයකට හතකට කලින් අපි කොහොමද හිටියෙ??පන්ති!පන්ති! පන්ති  වලට උදේ හවස බඩ ගගා, මහාමෙරු පර්වතේ වගෙ තියන සිලොබොස් එක කවර් කර ගන්න කොච්චර නැහුනද ? විභාග ලන් වෙද්දි විභාග ආතතිය. නෑදෙයො  ගෙදරට ආවම .

   "පුතේ,විභාගෙට ලැස්තිද? ලැස්තියි තේද?"

 "ඔය තමා ඊලගට ඉන්නේ.ඉතින් අම්මලාගේ තාත්තලගෙ බලාපොරොත්තු ගොඩ දාන්න ඔනේ කොහොම හරි"

 "බලන්න අර බප්පගෙ පුතා,අර නැන්දගේ පුතා ,එයාලා වගේ  උඩින්ම පාස් වෙන්න නේ.නැත්තන් නොන්ඩිය"

 ඔන්න ඔයවගේ  අහන ගොන් ප්‍රශ්න  නිසයි ,විකාර නිසයි තව තතියක් හැදෙනවා.ඒ තමයි "නෑදෑ ආතතිය".
ඇයි එයලා බලන් ඉන්නෙත් කියව කියව ඉන්න දෙයක් හම්බෙනකම්නේ.

    ඔය වගෙම තමා අර කොච්චර පාඩම් කරත් අමතක වෙන නිව්ටන්ගේ නියම වලටයි,ඉහේ කෙස් ගස් ටික පවා ක්‍රේල් වෙලා යනකන් හිතල හිතලත්  හදාගන්න බැරි වෙන අනුකලනේ ගනන් ටිකට හිර වෙලා තිබුණු හිතට ,වැලි කතරට පිනි බින්දුවක් ඉහින්නා වගේ අපි ඒ කාලේ කලේ ..
     
        "අම්මේ!තව මාස කීයද මේ දුක විදින්න තියෙන්නේ.." කියලා කියාගන්නා එක.(  ඒ විතරක් යැ ඔහොම කියා ගන්න ගමන් කියන්නේ)

"ඔන් බලපන් මන් විගෙ ඉවර වෙලා හොද ෆන් එකක් ගන්නවා. මේවටත් හරියන්න "

"ඔව් ඔව්.අපි සෙට් වෙමු හරිද?උඹ මටත් කකරපන් සල්ලි සල්ලි බලන්නෙ නැතුව හොද පාර්ටි එකක් දාමු.හොද ට්‍රිප් එකක් යමු? "

තව කෙනෙක් මෙහෙම කියනවා....

"මන් නම්  හොදට නිදා ගන්නවා.කනව බොනව.ටීවි බලනව නස්තාර් වෙන්න.ගේම් ගෙනල්ල ගහවා"

 ඔහොමත් කියගන්නවා.. ඇත්තටම අර වගේ  වෙලාවක හරියට පුන්චි ළමයි වගේ අපි මේ දේවල් කියගත්තෙ ලොකු කමකට නෙමේ!හිතේ තිබුණු බර සැහැල්ලු කර ගන්නත් එක්ක ..

   ඔය අතරෙ හිතේ බර නිදහස් කරගන්නම කියගන්නවමත් නෙමේ  ඉතින්.පාසැල් යන කලේ කරන්න බැරි වෙච්ච සමහර තරුණ ආසාවන් අළු යට ගිනි පුපුරු එළියට පනින්නා වගේ ඉතින්  හිතෙන් එළියට පනිනවා.

"මම මචන් විභාගෙ ඉවර වෙලා කොණ්ඩෙ වවනවා බන් මෙතනට"

තව එකෙක් කියන්ව

"මන් නම් බන් මේ බොඩිය හදාගන්නව ..උල මාව යෙ දකිද්දි බලපන් මන් ඉන්නෙ 6 පැක් ගහලා"

"මම මෙහෙ ඉන්නෙ නැහැ බන්.කොළඹ යනව ගිහිල්ලා ගින්දර වගේ කෑල්ලක් සෙට් කර ගන්නවා"


ඔන්න ඔය වගෙ අසාවනුත් තිබ්බේ නැතුව නෙමේ.ඒ වගේමයි ටිකක් මේවගේ දරුණු අසාවනුත් නොතිබුණාම නෙමේ අපේ සමහරක්ට.
කොහොම ඒවද ?

"අම්මාහ්!මම නම් කොළඹ ගිහින් ඉගෙන ගන්න ගමන්  පොඩි ජොබ් කට්ටක් හොයාගෙන ෆුල් ෆන් එක ගන්නවා.රෑට යිට් ක්ලබ් එකකට ගිහිල්ලා එහෙම "

"ඇයි පොඩ් අඩියක් ගහල සොමියක් දාලා"  ඔය වගේත් කතා වෙනවා සමහරු.
           
             හරි දැන් එමුකො වර්තමානෙට.කොහොම කොහොම හරි අමාරුවෙන් විභාගෙ පන්න ගත්තා කියමුකො!දැන් අර ඇගිලි ගැන ගැන හිටිය කාලෙත් ඇවිල්ලා සති තුනකටත් කිට්ටුයි.අනේ!කෝ අර කතා කල යළුවො ?කෝ අර කරනවා කිව්ව වැඩ.?
යළුවෙක්ට  කතා  කරොත් කියයි,

 "මචන් මම මේ අම්මලගෙ ගමේ ආවා බන් .හෙන චාටර් මෙහේ"

"අහ් මචන් උඹලා යමන් මගෙ අතේ සතේ නැහැ බන්"

   අනේ බලන්යද්දි අර සුන්දර කතා හොයාගන්නත් නැහැ.මේක නම් පුදුම වැඩක්!අර තිබ්බ හිතේ බර මදිවට දැන් ඊට වඩා දෙතුන් ගුණයක් වැඩි වෙලා.ඇයි දැන් එහෙන් රිසාල්ට්ස් එනකන් බලන් ඉන්නවා.ඊලගට කරන්නෙ මොකක්ද?මොන වගේ කෝස් ද හොද?මොනවගෙ ජොබ් හම්බෙයිද?
ඔය ඔක්කොම කරන්නත් පාස් වෙල තියෙයිද?

              ඔන්න ඔය වගේ මහා බැරෑරුම් ප්‍රශ්න වලට දැන් මූණදෙන්න වෙලා තියෙන්නේ ....
හරි පුදුම වැඩේ කියන්නේ,ඉස්සර බලන්න ෆිල්මුත් ඕනෙ තරම් තිබ්බා.දැන් බලන්න එකක්වත් නැහැ.
 වැඩිය ඔනේ නැහැ මම අදත් මේ ගෙම් එකක් ගෙනාවා එක ඉන්ස්ටොල් කර ගන්න බැරුව උදේ ඉදන් දගල දගල හිටිය...



   ඉතින් මට මෙහෙම එකක් ඔයලට කියන්න හිතුනෙ ඒ නිසයි.ඒ වගෙම දැනෙන කම්මැලිකම නැති වෙන්නත් එක්ක දැන් ඉතින් ජීවිතේ ඉතුරු කාලෙත් මීට වඩා වගකීම් සහිතව බැරැරුම්ව හොදට හිතල බලලා ගෙවාපල්ලකො ..අපේ හිතේ තියන මොන මොන සිහින බලාපොරොත්තු තව බොඳ වෙලා යයි ද?
                                                        ~ඉලන්දාරියා~

2 comments:

  1. හරිම ෂෝක්!අපි හැමෝගෙම කතාව තමයි මේ ඉලන්දාරියා ලස්සනටම ඉදිරිපත් කරලා තියෙන්නෙ!කියවගෙන යනකොට ගොඩාක් ආස හිතෙනවා!තව තවත් මේ වගේ ලස්සන දේවල් ලියන්න!ඔබට ජය!

    ReplyDelete
  2. sira bn sira ube katata masuran dannawatinawa bn

    ReplyDelete